Dialogu Kosovë - Serbi, Rohde: Dialogu nuk ka përparim

 

 

“Për qytetarët e rajonit, e veçanërisht për ata nga Kosova apo Serbia, është e rëndësishme që të ketë progres, të ecim përpara. Të gjithë e dinë se kjo mund të arrihet vetëm nëse kemi normalizim të marrëdhënieve. Pa normalizim nuk ka anëtarësim në BE.”, - deklaroi ambasadori i Gjermanisë në Kosovë, Jorn Rohde.

 

 

Këshilltari i kryeministrit Albin Kurti, Jeton Zulfa, ka thënë se qëndrimi i Qeverisë së Kosovës është se marrëveshja e arritur vitin e kaluar me Serbinë duhet të ketë zbatim të plotë.

 

“Marrëveshjen që e kemi arritur vitin e kaluar, qëndrimi i Kosovës është që ajo duhet të ketë zbatim të plotë dhe se në këtë drejtim duhet se pari të kemi një plan të sekuencimit për të cilin është duke punuar zëvendëskryeministri dhe kryenegociatori, Besnik Bislimi.”, - theksoi këshilltari i Qeverisë së Kosovës, Jeton Zulfa.

 

Ndërkohë është bërë e ditur se të enjten më 24 tetor, në Bruksel pritet të zhvillohet rundi i ri i takimeve në kuadër të dialogut për normalizim të raporteve mes Kosovës dhe Serbisë, në nivel të kryenegociatorëve.