Nevzati: Komunat kanë të drejtë ta financojnë Akademinë

 

“Mjetet për financimin e veprimtarisë hulumtuese – shkencore sigurohen nga Buxheti i Republikës së Maqedonisë së Veriut në pajtim me qëllimet dhe prioritetet e përcaktuara me Programin nacional si dhe në programet zhvillimore me interes publik për Republikën e Maqedonisë së Veriut dhe nga burime tjera: programet dhe fondet ndërkombëtare, njësitë e vetadministrimit lokal, personat juridikë, të ardhurat personale, legatët, dhuratat, testamentet, dokumentet shtesë dhe burimet.”, shkrun Nevzati në facebook. 

 

 

Ndërsa kryetari i komunës së Likovës Erkan Arifi thotë se komuna e tij nuk ka mjete buxhetore për të financuar Akademinë Shqiptare të Shkencave. Ai po ashtu thotë se VLEN nuk ka dorëzuar propozim konkret dhe se nuk kanë informacione se për çfarë konkretisht bëhet fjalë.

 

“Nuk kemi një propozim konkret, ne nuk e dimë se për çfarë bëhet fjalë, nuk ka pasur as debat publik dhe nuk mund të them diçka pa të cilën nuk e dimë se për çfarë flitet. Ndërsa ne dhe unë si kryetar i komunës së Likovës, rrjedh nga një komunë rurale ku kemi edhe buxhet simbolik. Mendoj se duhet ta ruajmë atë unifikimin në shtet që kemi si bashkësi ndëretnike dhe korrelacionin ndërmjet komunës së Likovës komunave në përgjithësi në shtetin tone, BNJVL-në dhe qeverinë e RMV-së.”, tha kryetari i komunës së Likovës Erkan Arifi.

 

Dit më parë katër komuna të koalicionit VLEN, ajo e Tetovës, Gostivarit, Zhelinës dhe Çairit kanë shprehur gatishmëri që ta financojnë  projektin e shoqatës së Akademikëve shqiptarë, për themelimin e Akademisë Shqiptare të Shkencave.