Blinken për krizën humanitare në gaza: Duhet bërë shumë më tepër

 

Blinken u takua me kryeministrin izraelit Benjamin Netanyahu, ministrin e Mbrojtjes Joav Gallant, ministrin e Çështjeve Strategjike Ron Dermer dhe zyrtarë të lartë ushtarakë në një seri takimesh në Jerusalem dhe Tel Aviv. Takimet janë pjesë e një turneu rajonal që Uashingtoni e sheh si një shans për të “ringjallur” diplomacinë pas vrasjes nga Izraeli të liderit të Hamasit, jahja Sinuar në Gaza javën e kaluar.

 

Paralajmërimi i Blinken për ndihmën humanitare vjen pas letrës së tij të dërguar javën e kaluar, të bashkë-nënshkruar nga Sekretari i Mbrojtjes i SHBA-së, Lloyd Austin, i cili i dha qeverisë izraelite 30 ditë për të rritur ndihmat në Rripin verior të Gazës ose rrezikon të ndërpritet njëfarë ndihme ushtarake.“Ka pasur një bisedë të zgjeruar për këtë,” tha një zyrtar i lartë i Departamentit të Shtetit. 

 

“Hapat që janë ndërmarrë deri më tani nuk kanë qenë të mjaftueshëm dhe ne e bëmë të qartë sot, se duhet të shohim më shumë. Ne kemi parë një përparim fillestar. Ne dëgjuam më shumë nga ministri Gallant në detaje për hapat që ai po mbikëqyr për t’iu përgjigjur, por si me kryeministrin, ministrin Dermer ashtu edhe me ministrin Gallant, kjo ishte një pjesë qendrore e diskutimit”, tha zyrtari, i cili foli në kushte anonimiteti.