Liga e kampionëve - minifutboll
23.10.2024 18:06
Kampioni i vendit në minifutboll “Forca” nga Kumanova, sonte në Beograd...
Kampioni i vendit në minifutboll “Forca” nga Kumanova, sonte në Beograd, nisi garat në turneun kryesor të Ligës së kampionëve. Përpos skuadrës së Forcës, në këtë grup janë edhe ekipi organizator FON Banjica, pastaj kampioni holandez (Tajgers Rormond), si dhe kampioni i Letonisë (Riga). Vetëm fituesi i këtij turneu siguron kualifikimin në raundin elitar, i cili do përbëhet vetëm nga 16 skuadrat më të mira evropiane Ndeshjen e parë Forca është duke e luajtur në këto momente me Rigën, të dytën do ta luajë të enjten me organizatorin FON Banjica, ndërsa në ndeshjen e tretë përballë do të ketë holandezët e Tajgers Rormond. Ndryshe Forca, në këtë raund eliminator erdhi si fituese e grupit “A” paraeliminatorë. Këta në turneun e Shkupit fituan të tri ndeshjet dhe me 9 pikë maksimale ia dolën të udhëtojnë për në Beograd.
LIGA E KAMPIONËVE-MINIFUTBOLL
- FC Forca - Riga
- FON Banjica – FC Forca
- FC Forca - Tajgers Rormond