Cilësia e sistemit arsimor, Janevska: RMV-ja posedon sistem modern arsimor

 

“Kemi shkolla të mesme profesionale të plota, në të cilat studiojnë më shumë se 70% e numrit të përgjithshëm të nxënësve të shkollave të mesme në vend. Shumica e objekteve shkollore janë të pajisura mirë dhe disa janë duke u pajisur për momentin. Planprogramet janë reformuar dhe ofrojnë më shumë trajnime praktike në zbatimin e të cilave janë të përfshira mbi 550 kompani, kurse sistemi i bursave ofron më shumë se 1.500 bursa për nxënësit që zgjedhin arsimin e mesëm profesional.”, - deklaroi ministrja e Arsimit, Vesna Janevska. 

 

 

BE-ja kontribuon në avancimin e sistemit arsimor në vend, u tha me këtë rast, duke potencuar se reformat duhet të përshtaten me nevojat reale të tregut të punës. 

 

“Objektivi ynë është që të sjellim sistemin edukativ të RMV-së drejt një niveli të ri, ta bëjmë atë më inkluziv dhe t’i përkojë realitetit në të cilin ndodhemi. Edhe edukimi dhe trajnimi i të rriturve janë pjesë e reformave dhe  kualifikimet duhet të përshtaten me nevojat reale të tregut të punës, në mënyrë që të parandalojmë migrimin e të rinjve nga vendi.”, - theksoi udhëheqësi i Sektorit për delegacion të BE-së, Aleksandru Albu.  

 

MASh-i aktualisht punon edhe  për përmirësimin e legjislacionit që rregullon arsimin e mesëm dhe aftësimin profesional, si dhe arsimin e të rriturve, nëpërmjet një procesi gjithëpërfshirës, u tha me këtë rast.