Dialogu Kosovë – Serbi, Kurti: Të nënshkruhet marrëveshja

 

“Për ne më e rëndësishme është siguria legale dhe mirëbesimi në bisedime, që nënkupton nënshkrimin e marrëveshjes bazike me aneks të zbatimit, që nënkupton dorëzimin  e Milan Rajdojçiqit dhe të grupit të tij kriminel dhe që nënkupton tërheqjen e asaj letrës së ish-kryeministres Bërnabiq, kur para BE-së e 27 shteteve anëtare në Bruksel në mes dhjetorit të vitit të kaluar, tha që nuk e zbaton integritetin territorial të Kosovës. Kjo është e papranueshme!”, - deklaroi kryeministri i Kosovës, Albin Kurti.

 

Dialogu ka qenë temë edhe në takimin e komandantit të KFOR-it Barduani, me kryeministrin e Kosovës, Albin Kurti. Komandanti i KFOR-it, me këtë rast ka deklaruar se dialogu me Serbinë është platforma e vetme për të zgjidhur çështjet e pazgjidhura dhe për sigurinë afatgjate në mbarë Kosovën, si dhe për stabilitetin rajonal.