Izraeli sulmoi gazetarët në Liban, u vranë tre punonjës

Stacioni lokal i lajmeve “Al Xhadid ” transmetoi pamje nga vendi i ngjarjes ku shihej një ndërtesë që ishte marrë me qira nga media të ndryshme – duke treguar objekte të shembura dhe vetura të shënuara “PRESS” nën rrënoja. Ushtria izraelite nuk lëshoi paralajmërim para sulmit. 

 

Televizioni “Al-Majaden” me bazë në Bejrut ka raportuar se dy nga punonjësit e tij,  kameramani Hasan Najar dhe tekniku i transmetimit, Mohamed Rida,  ishin në mesin e gazetarëve të vrarë. Televizioni “Al-Manar” i grupit Hezbollah raportoi se kameramani Uisam Qasim u vra gjithashtu në sulmin ajror në rajonin Hasbaja.

 

Disa gazetarë janë vrarë në luftimet përgjatë kufirit Liban-Izrael që nga tetori i vitit të kaluar.