Korridori 8 mbikëqyret nga ekzekutivi, Mickoski: Është prioritet i yni, vazhdojmë me punimet

 

“Pas dy viteve premtim dhe muhabeteve boshe, sot përfundimisht mund të shihet diçka që duhet të paraqesë pjesë të ëndrrës që e kemi si Qeveri, ndërsa ajo është se si shteti ynë të jetë nikoqir i tre kryqëzimeve: transportuese, hekurudhore dhe  energjetike. Kjo është ëndrra jonë, ëndrra ime personale dhe do të bëj çmos që të bëj gjithçka si kryetar i Qeverisë, që kjo të bëhet realitet.”, - deklaroi kryeministri, Hristijan Mickoski. 

 

 

Me vëzhgimin e sotëm mbyllet tema e Korridorit 8 si temë politike, tha zëvendëskryeministri i parë, Izet Mexhiti.

 

“Shohim punimet e para që kanë dalë në sipërfaqe  dhe mendoj se me sot mbyllet tema e Korridorit 8 si temë politike. Korridori 8 është prioritet mbi prioritetet për zhvillimin e vendit, për zhvillimin ekonomik dhe nuk kam aspak dilemë se me “Behtel – Enka” do të jemi dëshmitarë në javët që vijnë në realizimet e reja drejt realizimit të projektit.”, - theksoi zëvendëskryeministri i parë, Izet Mexhiti.

 

 

Ministri i Transportit, Nikollovski, paraqet përfitimet e qytetarëve për shkak të shkurtimit të rrugës që i mundëson Korridori 8.

 

“Nga kryeqendra e vendit për në Ohër dhe Strugë do të arrihet për 1 orë e gjysmë, e cila në tërësi do ta ndryshojë funksionimin e ekonomisë, turizmit, do ta përshpejtojë zhvillimin ekonomik, do të thotë, ndërlidhje më e madhe për të gjithë.”, - u shpreh ministri i Transportit, Aleksandar Nikollovski.

 

 

Për ambasadoren e ShBA-së, projekti do të jetë një vlerësim për thithjen e investimeve të tjera.

 

“Kjo është në të mirë të qytetarëve. Do t’ju ndihmojë në tregti, në investime. Edhe për kompanitë e tjera, përshirë kompanitë e mëdha amerikane, ky projekt do të jetë evidencë që atyre u nevojitet dhe të kuptojnë se investimet në këtë vend krijojnë sens.”, - deklaroi ambasadorja e ShBA-së, Angela Ageler. 

 

 

Ndërkohë vjen reagimi nga opozita maqedonase. LSDM-ja përkujton VMRO-në se para ardhjes në pushtet për retorikën ku ka thënë se marrëveshja me “Behtel dhe Enka” është një krim historik.

 

 

 

E për BDI-në, Korridori 8 dëshmoi dhe konfirmoi vizionin e këtij subjekti politik.

 

“Korridori 8, edhe pse mban vulën e BDI-së, i takon të gjithë qytetarëve dhe apelojmë që tuneli nga Gostivari deri në Bukojçan të realizohet, sepse është opsioni më i mirë dhe më racional për këtë pjesë të korridorit.”, - thuhet në komunikatën e BDI-së.