Tërmeti i 25 prillit në Nepal, rritet në 4300 numri i të vdekurve

Ndihmat ndërkombëtare më në fund kanë nisur të arrijnë në shtetin prej 28 milionë banorë pas tërmetit shkatërrues që e goditi vendin më 25 prill.

Spitalet mbesin të mbushura me pacientë, derisa mungon uji, ushqimet dhe energjia elektrike, duke shtuar shqetësimet për viruse që mund të përhapen nga mungesa e ujit.

India dhe Kina janë në mesin e shteteve të para që kanë dërguar ndihma humanitare. Mbrëmë, ShBA-të kanë njoftuar se kanë ndarë 9 milionë dollarë shtesë, duke i çuar në 10 milionë dollarë ndihmat amerikane. 

FLORIJE KAMBERI