Dhuna në vendet e Ballkanit, shtetet pa regjistra të dhënash për viktimat

 

“Nuk kemi asnjë regjistër të vetëm për regjistrimin e viktimave të dhunës, kjo është diçka të cilën duhet ta bëjmë sipas Konventës përiudhën e ardhëshme, që të kemi të dhëna të sakta. Për momentin lajmërohen në qendrat sociale apo përmes institucioneve të tjera si, MPB-ja, pasi aty kërkojnë ndihmë dhe evidentohen.”, - tha zëvendësministri i Politikës Sociale, Demografisë dhe Rinisë, Gjoko Vellkovski.

 

“Për të gjithë ne, kjo është një e dhënë dëshpëruese. Brenda dhjetë viteve në Serbi  janë vrarë mbi 300 gra nga pjesëtarët e familjes. Pra, dhuna në familje ka sjellë qindra viktima. Ajo për të cilën luftojmë ne si Qeveri është të sigurojmë Regjistër Qendror Publik, i cili është paraparë në konventë.”, - deklaroi zëvendësministrja serbe e Punës, Punësimit, Veteranëve dhe Çështjeve Sociale, Nina Mitiq.

 

“Ajo çka ne jemi duke punuar përmes veprimeve tona institucionale është ndërtimi i përgjigjes shtetërore apo institucionale kudo që ndodh dhuna dhe ndërtimin e kapaciteteve shtetërore për të ofruar strehim, mbështetje dhe ri-integrim për viktimat e dhunës në familje.”, - theksoi këshilltarja politike e ministres së Drejtësisë së Kosovës, Nazlije Bala. 

 

“Bosnja dhe Hercegovina është ndër vendet e para në Evropë, që ka pranuar Konventën e Stambollit për luftën kundër dhunës në familje dhe dhunën ndaj grave dhe ratifikoi të njëjtën. Megjithatë prej te ratifikimi deri të zbatimi ka një rrugë të gjatë. Beteja jonë e përbashkët e vendeve të Ballkanit Perëndimor është të fillojmë nga prevenimi deri në sanksionim.”, - u shpreh zëvendësministrja e Bosnjës dhe Hercegovinës për të Drejtat e Njeriut dhe Refugjatëve, Dushka Jurishiq.

 

“Ne kemi mbështetur njëmbëdhjetë strehimore në të gjithë Ballkanin Perëndimor, pasi nuk kanë hapësira të mjaftueshme për strehimin e viktimave të dhunës në familje. Jemi gjithmonë aty për t’u ofruar mundësi të zgjerojnë hapësirat dhe të trajnojmë ekipet e tyre nëse ka nevojë.”, - deklaroi Sava Panteliq nga Organizata “ASB”.

 

Konferenca është organizuar nga organizata humanitare gjermane “Arbeiter-Samariter-Bund” (ASB) dhe Ministria e Politikës Sociale, Demografisë dhe Rinisë së Republikës së Maqedonisë së Veriut.