Mungesa e kapaciteteve për negociata, MÇE: Punojmë në strategji

 

 

“Ne si Ministri për Çështje Evropiane po ndërmarrim hapa të rëndësishëm për të adresuar këtë çështje. Strategjia jonë për përforcimin e kapaciteteve negociuese përfshin jo vetëm rritjen e burimeve njerëzore, por edhe zhvillimin profesional të tyre përmes trajnimeve dhe programeve të avancuara për stafin e angazhuar drejtpërdrejt në procesin e integrimit në BE. Një komponent kyç i kësaj strategjie është edhe Politika për Mbajtjen, Motivimin dhe Avancimin e Nëpunësve Administrativë (Retention Policy), që synon të krijojë një mjedis pune motivues dhe mbështetës për stafin ekzistues. Kjo politikë është dizajnuar për të ruajtur ekspertizën e fituar, duke ofruar mundësi për zhvillim të vazhdueshëm dhe përparim profesional.”, thuhet në qëndrimin me shkrim lëshuar nga Ministria për Eurointegrime.

 

 

Në reformat administrative, nota mbetet e njëjtë si në vitin paraprak. Komisioni Evropian i ka përsëritur kërkesat, sepse ato nuk janë implementuar në vitin e kaluar, thotë Julijana Karai nga Instituti për Politika Evropiane.

 

“Aty ku Maqedonia e Veriut duhet të fokusohet është miratimi i Ligjit për nëpunës administrativ, Ligji për punësime në sektorin publik, si dhe Ligji i shumëpritur për shërbimin e lartë drejtues, ku gjithsesi pritet implementimi i tyre. Pastaj, duhet patjetër të mbarojë revizioni për Ligjin e organizimit të organeve shtetërore dhe miratimi i ligjeve të ngjashme. Rekomandimi i tretë që pritet prej nesh në periudhën e ardhshme është implementimi i tërësishëm i Ligjit për procedurë të përgjithshme administrative, respektivisht rrumbullakimi i procesit të digjitalizimit”, u shpreh Julijana Karai nga instituti për politika evropiane.

 

Në përgjithësi, raporti i progresit për vitin 2024 e vlerëson  Maqedoninë e Veriut mesatarisht të përgatitur në fushën e reformës së administratës publike.