Mexhiti: Agjenda e Gjelbër, mundësi për transformim të koordinuar ekologjik

 

“Klasteri i 4-të i referohet Agjendës së Gjelbër dhe mobilitetin e qëndrueshëm  dhe si i  tillë lejon një pasqyrë të drejtpërdrejtë në lidhjen ndërmjet sektorëve, veçanërisht sektorët e energjisë, transportit dhe mjedisit, ndaj të cilit sektori i energjisë ka ndikim të drejtpërdrejtë, si cilësia e ajrit dhe biodiversiteti, burimet ujore. Nga ana tjetër, i njëjti sektor i energjisë ka potencialin më të madh për zbutjen e ndryshimeve klimatike me ndërhyrje korrekte dhe të duhura në zbatimin e burimeve të rinovueshme të energjisë dhe efikasitetit të energjisë.”, - deklaroi zëvendëskryeministri i Parë i Qeverisë, Izet Mexhiti. 

 

Kreu i KRrE-së, Bislimovski, thotë se kushtet në tregun e hapur të energjisë elektrike aktualisht janë më të mira për konsumatorët dhe për këtë arsye kompanitë e vogla po ikin atje.

 

“Varësisht se sa do të jetë shuma e humbjeve, aq do të jenë çmimet për distribuim. Duhet të shohim se çfarë çmimesh EMV-ja do t’i propozojë distribuesit universal dhe pastaj do të kemi informacione konkrete, por asnjëherë KRrE-ja nuk do të pranojë çmime aq të larta. Unë duhet t’i shoh se cilat do të jenë çmimet e tenderëve për humbjet dhe çmimet në tenderët për distribuesin universal.  Varësisht periudhave të vitit, ne jemi të përafërt me Malin e Zi, Serbinë, por e di që Kosova ka çmimin më të lirë të energjisë elektrike, por kanë dhe subvencione të theksuara nga ana e shtetit, e njëjta gjë po ndodh dhe në Shqipëri.”, - theksoi kryetari i KRrE-së, Marko Bislimovski.

 

Në konferencën vjetore të Asociacionit të Maqedonisë për energji nga burimet e ripërtërishme shprehu përkrahje për ndërhyrjet në aplikimin e burimeve të ripërtërishme të energjisë, me kusht që të mos cenohet mjedisi dhe natyra.