Liga e Kampionëve, Arsenali humbi ndeshjen e parë

Interi triumfoi mbrëmjen e djeshme me rezultatin 1-0 ndaj Arsenalit në duelin e vlefshëm për Ligën e Kampioneve, ku golin e vetëm për zikaltrit e shënoi Hakan Çalhanoglu nga penalltia në minutën 45+3. Për Inter-in, ishte kjo fitorja e tretë, ndërsa për Arsenalin humbja e parë. Te interi për 90 minuta luajti Asllani.

"Sigurisht e dimë se çfarë rruge kemi kaluar, përmes këtyre 33 ndeshjeve. Djemtë janë të vetëdijshëm se ku e nisëm në Evropë me ekipin. Me pak fjalë, sonte ishte një natë për t'u mbajtur mend sepse luajtëm para një stadiumi që brohoriste. Katër ndeshje pa pranuar gol është e rëndësishme për renditjen, pasi e dimë se me këtë formulë të re, do të jetë shumë, shumë e rëndësishme”. – u shpreh trajneri i Interit, Simone Inzaghi.

Fitoren e dytë e ka shënuar skuadra e Bayern Munich, e cila në “Allianz Arena” me rezultatin minimal e mundi Benfica Lisabon. Golin e vlefshëm fitore e shënoi Musiala në miutën e 67 të ndeshjes.

"Është mirë në përgjithësi që mbrojtja po ecën kaq mirë. Po, sigurisht që është mirë. Është e rëndësishme për ne që ne t'i kemi gjithmonë këta anësorë -- që në këtë kompeticion të kemi gjithmonë lojtarë që mund të marrin vendimin në një lojë dhe sigurisht që ai e bëri këtë." – deklaroi trajneri i Bajernit të Munihut, Vincent Kompany.

Fitoren e tretë në këtë sezonë e ka shënuar Barcelona, e cila në Beograd, lehtësisht e mposhti Crvena zvezdën duke e mundur me 5-2. Barcelona në renditje është e gjashtë me 9 pikë nga 4 ndeshje.

"Ne luajtëm mirë dhe shënuam golin e parë dhe më pas pësuam 1-1. Dhe, ajo që pashë më pas, ishte se skuadra u rikthye. Dhe kjo është vërtet e mirë për t'u parë, sepse ne kemi një ekip të ri dhe ata duhet të rritemi (përmirësohemi), dhe ne e bëjmë atë çdo lojë, çdo lojë." – tha trajneri i Barcelonës, Hansi Flick.

Kur jemi në gjysmën e garave sipas sitemit të ligës, skuadra e vetme me sukses maksimal është Liverpool, që ka 12 pikë. Të rikujtojmë se nga 36 skuadrat që në këtë sezonë po luajnë në Ligën e Kampionëve, tetë sigurojnë kualifikim direkt në 1/8 e finales. Java e pestë e kampionëve do të luhet me 26 nëntor pas ndeshjeve të përfaqësueseve. (Safet Ademi, TVM2)