KShPK: Kostadinovska keqpërdori buxhetin

 

 

“Konfirmohen shfrytëzim i mjeteve buxhetore për qëllime private nga ana e ish-ministres në Qeverinë e RMV-së, që ka kryer funksionin nga periudha janar 2022 deri në qershor të vitit 2024. Për gjendjen e konstatuar, KShPK-ja do të veprojë në suaza të kompetencave ligjore dhe në bazë të Ligjit për parandalimin e korrupsionit do të iniciojë procedurë tek organet kompetente.”, - deklaroi anëtari i KShPK-së, Zoran Bogoevski.

 

 

Ndërkohë, Komisioni Shtetëror për Parandalimin e Korrupsionit me vetiniciativë ka hapur lëndë sa i përket zgjedhjes së anëtarëve të bordit drejtues të Akademisë së Gjykatësve dhe prokurorëve publik. Sipas KShPK-së, Këshilli Gjyqësor dhe Këshilli i Prokurorëve me zgjedhjen e kryetareve të këshillave si anëtarë të bordit drejtues kanë vepruar në kundërshtim me ligjin.

 

“Propozoj të kërkohet nga Këshilli Gjyqësor dhe Këshilli i Prokurorëve që të merren masa për tejkalimin e situatës së krijuar në mënyrë që para fillimit të mandatit të anëtarëve të ri të Bordit drejtues të Akademisë, më së voni para skadimit të afatit të bordit drejtues aktual 19.11.2024 t’i anulojnë vendimet e tyre, që janë në kundërshtim me Ligjin për parandalimin e korrupsionit dhe konfliktit të interesave dhe Ligjin për Akademinë e Gjykatësve dhe Prokurorëve.”, - theksoi anëtarja e KShPK-së, Biljana Karakashova Shulev.

 

Këto akuza ditë më parë erdhën nga VMRO-DPMNE-ja, sipas të cilëve përveç zgjedhjes së kundërligjshme të këtyre anëtarëve, gjithashtu bëhet fjalë për anëtarë që familjarisht janë të afërt me LSDM-në.