Koroshishta e Strugës, zbulimi arkeologjik, gjenden artefakte të çmuara

 

 

“Të gjitha gjetjet tjera aty tregojnë se i ndjeri që është varrosur aty dhe arkitektura e varreve do të thoja është mbresëlënëse, 7.5 metra e gjatë dhe 4.5 metra e gjerë. Kjo i kalon deri tani të gjitha nekropolet arkaike të njohura në Ballkan, jo në Maqedoni. Fundi i varrit është 5 metra i thellë dhe mund ta imagjinoni se sa mund dhe përkushtim është dashur.”, - deklaroi arkeologu, Pero Arjanliev. 

 

Nekropoli arkaik i Koroshishtës u bë objekt i interesit të Muzeut Arkeologjik katër vjet më parë, kur një pronar fushe gjeti aksidentalisht një helmetë bronzi, të cilën ia dorëzoi Institutit dhe Muzeut të Ohrit.

 

“Lokaliteti i hulumtuar i këtij vendi është një nekropol i periudhës arkaike, shekulli VI para Krishtit, i cili në shumë mënyra i ngjan nekropolit të njohur të Trebenishkës, i cili ndodhet në afërsi. Me këto zbulime, ne jo vetëm po zgjerojmë kontekstin tonë historik, por po forcojmë pozicionin tonë si aktor i rëndësishëm në skenën arkeologjike rajonale, ballkanike dhe evropiane.”, - theksoi ministri i Kulturës, Zoran Lutkov.

 

"Ne do t'i konservojmë objektet këtu në Institutin dhe Muzeun e Ohrit dhe pastaj shpresojmë, siç jemi marrë vesh këto ditë, se ndoshta nëse vazhdojmë me hulumtimin, do të kemi nevojë për një muze të ri të kulturës arkaike në Maqedoni.", - u shpreh drejtoresha e Muzeut Arkeologjik, Sllavica Babamova.

 

Vendi është i siguruar dhe i mbrojtur siç duhet, vendndodhja e tij e saktë nuk i zbulohet publikut për ta mbrojtur atë nga gjuetarët e thesarit të egër. Kërkimet arkeologjike do të vazhdojnë dhe në të ardhmen. Arkeologët presin më shumë varre me gjetje të pasura arkeologjike.