NBA, Houston në çerekfinale, Spurs kalojnë Clippers

Houston Rockets mbylli llogaritë me Dallas Mavericks në ndeshjen e 5 të serisë se sfidave play-off, duke u kualifikuar në çerkefinale të Konferencës së Perëndimit me rezultatin e përgjithshëm 4-1 me ndeshje.

 

Të udhëhequr nga James Harden Rockets nuk i dhanë asnjë shans kundërshtarit në Toyota Center, ku triumfuan me shifrat 103 – 94. 

 

Në konferencën e Perëndimit do të përballet me fituesin e çiftit Los Angeles Clippers-San Antonio Spurs.

 

Në sfidën e 5 mes këtyre dy skuadrave Spurs morën kryesimin e serisë në 3-2, pasi triumfuan 107-111, falë një loje të mirë në periodën e fundit. 30 pikët e Griffin nuk u mjaftuan për Clipers, që takimin e radhës do ta luajnë në texas më 1 Maj.