Shkupi edhe sot më ajër shumë të ndotur, Mjekët: Ndotja rrezik për qytetarët

 

“Këto vlera i kalojnë kufijtë e lejuar, veçanërisht në qendër të Shkupit, ku përqendrimet janë jashtëzakonisht të larta. Kujtojmë, sot në mëngjes Shkupi ishte i shtati në listën botërore të qyteteve me ajrin më të ndotur.”, thuhet në njoftimin nga platforma e Ministrisë së Mjedisit. 

 

Ndërkohë pulmologu Dejan Dokiq thotë se çdo vit po përballemi me problemet e njëjta për sa i përket ndotjes së ajrit.

 

“Çdo vit dhe çdo dimër i kemi problemet e njëjta. Aktualisht gjendjen më kritike e kanë pacientët që vuajnë nga sëmundjet kronike në organet e frymëmarrjes duke filluar nga sinuset, bronhitet, asma, fibroza por gjithashtu por edhe pacientët që kanë probleme  kardiovaskulare. Tek këta pacientë fillimisht manifestohet në formën e  përkeqësimit  të sëmundjes, por ajo që është më me rëndësi se edhe personat e shëndetshëm edhe ata pësojnë nga ajri i ndotur .Pikërisht për këtë arsye duhet të ruhen në kohën kur ka ajër më të ndotur të shkojnë në vende ku ajri nuk është shumë i ndotur në mal të vendosin edhe maska që janë me filtër hepa dhe janë më të sigurta.”, u shpreh pulmologu Dejan Dokiq.

 

Qytetarët e anketuar nga TVM2 thonë se u pengon ajri i ndotur, kërkojnë zgjidhje të problemit.

 

“Ajri I ndotur na pengon jashtë mase, mbeturina ka në çdo anë. Këtu duhet me marrë masa Qeveria se ka njerëz që janë të sëmurë sidomos pleqëria. Neve na pengon përditë që jemi në treg.”, u shpreh një qytetare.

 

 

 

 

Mjekët apelojnë qytetarët gjatë periudhës së dimrit të marrin më shumë antioksidant siç është vitamina D, posaçërisht për fëmijët por edhe për të rriturit, vitamina C, si dhe ushqim të pasur me antioksidant.