Dhënia e paligjshme e lejeve për armë, Toshkovski: 15 punonjës shkarkohen nga puna

 

“Një numër i konsiderueshëm i lëndëve të parashtruara, të cilat janë dorëzuar, do të jenë pjesë e materialit dëshmues. Është dashur patjetër të zgjedhim këtë kaos të krijuar nga pushteti paraprak, në këtë mënyrë, nevojitet patjetër të vendosin një ndërprerje. E di se ndoshta është e padrejtë për qytetarët sërish të parashtrojnë kërkesa, por tani e tutje askush nuk do të mundet t’i zhvasë.”, - deklaroi ministri i Punëve të Brendshme, Pançe Toshkovski. 

 

 

Për zgjidhjen e problemit që akumulohet me vite, është krijuar një mjet digjital, i cili do të mundësojë qasje joselektive dhe sistematike në lejet për posedim të armëve, tha ministri Andonovski.

 

“Ministria për Transformim Digjital krijoi aplikacionin e portalit përmes të cilit qytetarët do të aplikojnë dhe u bëj thirrje qytetarëve që masivisht të shfrytëzojnë portalin për këtë shërbim. Është konsideruar se ky proces ka qenë më i nënshtruari ndaj korrupsionit dhe atë korrupsion e kanë perceptuar qytetarët. Konsiderojmë se në këtë mënyrë mund ta luftojmë korrupsionin kur bashkërisht i shfrytëzojmë pajisjet digjitale dhe resurset kombëtare.”, - theksoi ministri i Transformimit Digjital, Stefan Andonovski.

 

Vetëm muajin e fundit kanë ndodhur 5 sulme të armatosura, të gjitha në vende publike. Ministri Toshkovski pa detaje, në interes të hetimeve, por është i vendosur se institucionet do të përgjigjen në mënyrë të duhur kundër krimit.