Shkupi radhitet e para në Evropë me ndotje, Mjekët: Ambulancat e mbushura me pacientë

 

Pacientët me sëmundje kronike obstruktive të mushkërive ndjejnë më së shumti efektet e ndotjes së ajrit. Këto ditë për shkak të ndotjes së lartë edhe klinikat kanë numër të madh të pacientëve. 

 

“Është rritur shumë numri i pacientëve nëpër ambulanca, është rritur edhe presioni për hospitalizim, sepse jo vetëm tek ne, por gjithandej nëpër botë resurset për hospitalizim janë më të vogla sesa kërkesat e qytetarëve, sidomos në situata të këtilla kur ajri është shumë i ndotur.”, - theksoi një mjeke.

 

“Më të shpeshta janë grimcat pm10 dhe pm2, grimcat më të vogla depërtojnë në fyt dhe sipas statistikave të fundit secila e gjashta apo e shtata foshnje e porsalindur do të ketë sëmundje të mushkërive  më tutje në jetë. Kjo ndodh për shkak se kemi ndotje enorme. Vendet në zhvillim që kanë ndotje të lartë të ajrit janë të ekspozuar  dhe vështirë është të ndërmerret diçka. Kjo ndikon si në sëmundjen e demencës apo autizmit, tashmë është vërtetuar.”, - u shpreh mjeku, Oliver Zafirovski. 

 

Qytetarët thonë se autoritetet kompetente duhet të ndërmarrin urgjentisht masa dhe të ulet ndotja e ajrit, sepse ua përkeqëson shëndetin e tyre dhe fëmijëve që janë në proces të zhvillimit dhe rritjes.