Rusia nis prodhimin e raketës së fuqishme Oreshnik

 

“Sistemi raketor Oreshnik nuk është vetëm një armë efektive hipersonike. Falë fuqisë së saj, veçanërisht në rastin e përdorimit masiv në kombinim me armë të tjera precize me rreze të gjatë që ka Rusia, rezultatet e përdorimit të saj kundër objektivave të armikut do të jenë të krahasueshme në efekt dhe fuqi me armët strategjike. Sistemi Oreshnik nuk është një armë strategjike dhe nuk është një raketë balistike ndërkontinentale”, u shpreh presidenti i Rusisë, Vladimir Putin. 

 

“Bazuar në misionet dhe rrezen e kësaj arme, ajo mund të arrijë objektiva në të gjithë Evropën, gjë që e dallon atë nga llojet e tjera të armëve precize me rreze të gjatë. “Përdorimi masiv i këtij lloji të armëve do të jetë i krahasueshëm me përdorimin e armëve bërthamore”, theksoi kryeshefi i forcave raketore ruse Sergej Karakaev.

 

Presidenti ukrainas pretendon se ata po punojnë gjithashtu për zhvillimin e llojeve të reja të mbrojtjes ajrore për t'iu kundërvënë rreziqeve të reja. Putini duhet të ndjejë pasojat e veprimeve të tij, thotë Zelensky.

 

“Kur dikush fillon të përdorë vendet e tjera jo vetëm për terror, por edhe për të testuar raketat e tyre të reja, ky është padyshim një krim ndërkombëtar. Disa liderë vazhdimisht bëjnë thirrje për përmbajtje, por si përgjigje ata marrin gjithmonë një përshkallëzim të ri nga Moska. Prandaj bota duhet të tingëllojë serioze dhe ta bëjë Putinin me të vërtetë të frikësohet nga zgjerimi i luftës dhe të ndjejë pasojat reale të veprimeve të tij”, u shpreh presidenti i Ukrainës, Volodymyr Zelensky.

 

SHBA pret që mijëra trupa të Koresë së Veriut të vendosura në Rusi të shkojnë së shpejti në betejë kundër Ukrainës. 

 

“Ka rreth 10,000 ushtarë të Koresë së Veriut në rajonin e Kurskut, dhe ata u integruan në formacionet ruse. “Bazuar në mënyrën se si ata janë trajnuar dhe mënyrën se si ata janë integruar në formacionet ruse, unë pres që ata të angazhohen në luftime shumë shpejt”, theksoi sekratari i SHBA-së, Lloyd Austin.

 

Luftimet e ashpra vazhdojnë në front. Sipas raportimeve, forcat ruse po përparojnë në frontin lindor.