Konferenca e Bakut, bota arriti një marrëveshje të re për klimën

 

 

“Tani jemi gati të fillojmë miratimin e projekteve”. Ky treg do të zhbllokojë triliona dhe do të na kursejë miliarda. Ato do të ndihmojnë në drejtimin e burimeve drejt botës në zhvillim dhe do të zvogëlojnë kostot e zbatimit të planeve tona klimatike”, u shpreh presidenti i KOP29, Muhtar Babaev.

 

“Ky synim i ri financiar është një politikë sigurimi për njerëzimin përballë përkeqësimit të ndikimeve klimatike që prekin çdo vend. Si çdo polic sigurimi, ajo funksionon vetëm nëse mjetet paguhen plotësisht dhe në kohë”, theksoi sekretari ekzekutiv i OKB-së për ndryshimet klimatike Simon Stiel

 

Draft-marrëveshja nuk është aspak afër 1.3 trilion dollarëve të kërkuar nga vendet në zhvillim, por është tre herë më shumë se marrëveshja prej 100 miliardë dollarësh në vit nga viti 2009.

 

“Ishte vërtet e ndërlikuar, por lajmi shumë i mirë është se ne ia dolëm ta arrijmë këtë në kohë të vështira gjeopolitike. Trefishimi i sasisë që kemi vënë në tryezë është një hap i rëndësishëm, me të vërtetë i rëndësishëm përpara”, u shpreh komisioneri evropian për veprimin për klimën Vopke Hoekstra.

 

"Unë mendoj se ne arritëm të bashkohemi dhe të kemi një rezultat që është përparim dhe që na jep një inkurajim për vitet e ardhshme në një situatë shumë, shumë të vështirë gjeopolitike", theksoi këshilltari i kryetarit të grupit afrikan Husein Alfa Nafo.

 

“Ne e shohim thellësisht zhgënjyese sepse shuma është jashtëzakonisht e ulët." Është vetëm 300 miliardë dollarë”, u shpreh drejtori i iniciativës së traktatit për mospërhapjen e karburantit fosil Harxhit Sing.

 

Konferenca e klimës në Baku duhej të përfundonte të premten, por u zgjat. Negociatorët nga vendet në zhvillim dhe vendet ishullore akuzuan vendin pritës Azerbajxhanin për injorimin e tyre gjatë dy javëve të konferencës dhe i braktisën përkohësisht bisedimet.

 

“Ne e pranuam tekstin sepse nuk do ta lëmë Bakun pa tekst. Por ne nuk jemi aspak të kënaqur”, theksoi deputeti për ndryshimet klimatike nga Panamaja, Huan Karlos Monterej Gomez.

 

“Nuk arritëm gjithçka që donim, por arritëm diçka. Do të ishte katastrofike nëse nuk do të kishim asgjë”, u shpreh deputeti i Kenias për ndryshimet klimatike Ali Mohamed.

 

Aktivistët gjatë samitit u bënë thirrje vendeve të pasura të paguajnë. Debati theksoi hendekun midis qeverive të pasura dhe vendeve në zhvillim që po luftojnë me kostot e stuhive, thatësirave, përmbytjeve dhe zjarreve.