BE-ja dhuron 6 autobusë ekologjikë, Rokas: Ta bëjmë transportin publik më pak ndotës

 

“Transporti është shkaku i sasisë së madhe të emetimeve të dioksidit të karbonit që ne lëshojmë në atmosferë. Në këtë mënyrë u mundësojmë qytetarëve që në vend të automjeteve individuale të përdorin transportin publik. Duhet ta bëjmë transportin publik sa më pak ndotës.”, - deklaroi ambasadori i BE-së, Mikalis Rokas.

 

 

Ministri i Ambientit Jetësor, Izet Mexhiti, tha se autobusët elektrikë do të ndihmojnë në përmirësimin  e  transportit publik dhe uljen e ndotjes së ajrit.  

 

“Me mbështetjen e BE-së dhe UNOPSIT, kryeqyteti i vendit po merr 6 autobusë të ri ekologjikë. Ky është vetëm një nga aktivitetet e parashikuara nga projekti i BE-së për ajër të pastër në të cilën ne veprojmë drejtpërdrejt në një nga burimet e zbuluara të ndotjes. Me pasurimin e flotës së ndërmarrjes së transportit publik në Shkup po përmirësojmë kushtet për zhvillimin e transportit publik nga qytetarët.”, - theksoi ministri i Ambientit Jetësor, Izet Mexhiti.

 

 

Dhurimi i autobusëve nga BE-ja, sipas kryetares së Shkupit, Danela Arsovska, është sukses i madh i qytetit të Shkupit dhe dëshmi e mbështetjes së Bashkimit Evropian.

 

“Kjo është dëshmi se administrata jonë e qytetit, kur nuk është e bllokuar nga askush, është realisht e aftë të zbatojë diçka që është në dobi të Shkupit dhe të gjithë vendit.”, - u shpreh kryetarja e qytetit të Shkupit, Danela Arsovska.

 

Kryetarja e qytetit të Shkupit, Arsovska, shpreson që ky projekt do t'i inkurajojë këshilltarët në Këshillin e Qytetit të Shkupit, që ta përkrahin projektin për blerjen sa më të shpejtë e 250 autobusëve të rinj elektrikë.