Dibër, aktivitete për festat kombëtare të nëntorit

 

Filli i aktiviteteve organizuar nga shoqata për kulturë e sapoformuar “ILIRIKUM” u mbajt mbrëmja poetike e titulluar “Portiku poetik dr. Lutfi Turkeshi”, ku morën pjesë poetë nga hapësira gjithëshqiptare.

 

Pastaj vijon me koncertin festiv interpretues me pika muzikore, valle dhe recitale ishin fëmijët e institucionit parashkollor “Breshia”, si dhe nxënësit e shkollës komunale nëntëvjeçare “Penestia” dhe nxënësit e gjimnazit “28 Nëntori”. Këtij aktiviteti iu bashkëngjit ShKA “Dibra e Madhe” nga Dibra, që e madhështoi këtë koncert me këngë folklorike dibrane të interpretuar nga rapsodë dibranë.

 

Aktivitetet vazhduan me simpozium historik të organizuar nga komuna e Dibrës në bashkëpunim me Shoqatën e historianëve të Dibrës, ku morën pjesë me kumtesat e tyre historianë dhe hulumtues të spikatur nga Republika e Shqipërisë dhe RMV-së.

 

Kjo festë me ftesë të Erion Veliaj do të kulmojë ditën e nesërme, ku ShKA “Dibra e Madhe” do të udhëheqë paradën e kostumeve në kryeqendrën shqiptare në Tiranë.