Gjeorgjia pezullon bisedimet për aderim në BE, pason përleshje mes protestuesve dhe policisë

Policia dhe protestuesit u përleshën brutalisht në Gjeorgji, pasi partia në pushtet e vendit pezulloi negociatat për t’u bashkuar me Bashkimin Evropian deri në vitin 2028.

Policia përdori sprej dhe gaz lotsjellës për të shpërndarë protestuesit që dolën në rrugë pas njoftimit nga kryeministri Irakli Kobakhidze i partisë në pushtet “Ëndrra Gjeorgjiane”.

Zgjedhjet e 26 tetorit u panë gjerësisht si një referendum mbi aspiratat e vendit për t’u bashkuar me Bashkimin Evropian dhe partia në pushtet u kishte treguar votuesve se do të vazhdonte të kërkonte anëtarësimin në bllok. Ministria e Brendshme tha se arrestoi 43 persona gjatë protestave, raporton Associated Press.

Presidentja Salome Zourabichvili tha se Qeveria i shpalli “luftë” popullit të saj dhe u përball me policinë e trazirave në protestë, duke i pyetur ata nëse i shërbenin Rusisë apo Gjeorgjisë.

Presidentja gjeorgjiane e cila ka një rol kryesisht ceremonial, tha më parë se partia në pushtet manipuloi zgjedhjet me ndihmën e Rusisë, e cila më parë drejtonte Gjeorgjinë nga Moska kur ishte pjesë e Bashkimit Sovjetik.