Transportuesit privatë edhe sot nuk vozisin, presin seancën e qytetit të Shkupit

Transportuesit privatë sot nuk do të lëvizin nëpër rrugët e Shkupit, por shpresojnë që nga e hëna të përfshihen në komunikacion.

Pas takimit të djeshëm me këshilltarët e VMRO-DPMNE-së më ë të cilën në seancë të jashtëzakonshme të Këshillit u dakordua që të vendoset që çmimi për kilometrin e kaluar nga 70 në 100 denarë të rritet, transportuesit deklaruan se heqin dorë nga bllokadat që i kishin paralajmëruar më parë, duke vlerësuar propozimin e VMRO-DPMNE si e shkëlqyer.

“Ne duhet të shohim nëse fondet do të disbursohen, të shohim se çfarë thotë qyteti për këtë dhe pasi të bëjmë konsultimin, do të marrim një vendim që kur të fillojmë të vozisim. Shpresoj që nga e hëna në vend të bllokadave do të jemi në rrugët e Shkupit dhe do të jemi në shërbim të qytetit të Shkupit,” - theksoi përfaqësuesi i transportuesve, Jovica Zafirovski.

Transporti publik urban dje ishte sërish në fokus të publikut pasi kompanitë private njoftuan se nëse nuk plotësohet kërkesa e tyre për rritje të çmimit për kilometër, nga e hëna do të bllokojnë rrugët.

Ata në shenjë revolte i kanë fikur autobusët nga qarkullimi për shkak se kërkesa e tyre për rritje të çmimit për kilometër nuk ishte në rend dite të seancës së Këshillit të Qytetit të Shkupit.