Gazë, nga sulmet izraelite janë vrarë 40 palestinezë

 

Mjekët thanë se kishin gjetur 19 trupa palestinezësh të vrarë në zonat veriore të Nuseiratit, një nga tetë kampet e refugjatëve të enklavës. Më vonë nga një sulm ajror izraelit u vranë të paktën 10 palestinezë në një shtëpi në Beit Lahiya në Rripin verior të Gazës.

 

Të tjerë u vranë në zonat veriore dhe jugore të Rripit të Gazës, thanë mjekët palestinezë. Tanket izraelite kishin hyrë në zonat veriore dhe perëndimore të Nuseiratit të enjten. Ata u tërhoqën nga zonat veriore të premten, por mbetën aktivë në pjesët perëndimore të kampit.

 

Shërbimi i Emergjencave Civile Palestineze tha se ekipet nuk ishin në gjendje t’i përgjigjeshin thirrjeve nga banorët e bllokuar në shtëpitë e tyre.