Policia financiare: Po zbulohen lëndët e fshehura në sirtare

 

“Çdo inspektor do të mund që në formë elektronike të hapë lëndën. Është një zgjidhje softuerike, e cila do ta paralajmëroj në pjesën e vjetërsimit të lëndës, vlerës të të dhënave të grumbulluara. Ne thjesht duhet si institucion të bëjmë gjithçka që të mos ketë ruajtje të lëndëve në sirtare.”, tha u.d drejtori i policisë financiare, Sllobodan Ivanovski.

 

 

Policia financiare ende po heton se si qyteti i Shkupit vitin e shkuar pati shpenzuar 30 mijë euro për stolisjen e qytetit për festat e fundvitit. Ndërkaq në lupën e këtij institucioni është edhe EMV dhe Tec Manastir pas dokumentacionit financiar të konfiskuar për shtrenjtim të rrymës.

 

“Në pjesën e EMV-së dhe TEC Manastirit, rast ky mjaft aktual në opinion, mund të them se morëm urdhërin nga Prokuroria Themelore e Manastirit dhe tani po konsultohemi me prokuror. Jemi duke analizuar procedurën e tenderimit si dhe realizimin e marrëveshjeve. Bëhet fjalë për dokumentacion voluminoz, nevojiten më shumë hetime, analizë e detajuar. Andaj nuk do të dilja me vlerësime konkrete.”, tha Ivanovski.

 

Para pak kohe Policia Financiare hyri në hapësirat e EMV-se për të hetuar indikacionet për rritje të çmimit prodhues të energjisë elektrike në TEC Manastir për 133 euro për megavat orë, e që krahasuar me vitin 2020 çmimi prodhues i energjisë ishte vetëm 50 euro.