Sholci në vizitë të papritur në Kiev, ndan ndihmë të re ushtarake për Ukrainën

 

Ai është zotuar për t’i ofruar Ukrainës ndihmë ushtarake shtesë në vlerë të 650 milionë eurove dhe ka thënë se armët do të arrijnë në Kiev deri në fund të vitit. “Kam udhëtuar me tren drejt Kievit përgjatë natës, drejt një vendi që po mbron veten kundër agresionit rus për më shumë se 1.000 ditë.”, ka thënë Sholci përmes një postimi në X – platformë e njohur më parë si Twitter. Ai ka thënë përmes një deklarate se “Ukraina e ka mbrojtur veten në mënyrë heroike kundrejt luftës agresive të Rusisë.”.

 

“Përmes rikthimit tim këtu në Kiev, dua të shpreh solidaritetin tim me Ukrainën.”, ka thënë Sholci, i cili përballet me zgjedhje të reja në shkurt. “Dua ta bëj të qartë prej këtu që Gjermania do të mbetet mbështetësja më e madhe evropiane e Ukrainës.”. Ai ka thënë se “Ukraina mund të mbështetet te Gjermania.”.