Mucunski nga Parlamenti Evropian: Bëmë gjithçka, Bullgaria dhe BE-ja të veprojnë

 

 

 

“Shfrytëzimi i përhershëm i vetos nga ana e Bullgarisë është një pengesë e dhimbshme. Kjo  e bllokon progresin, por edhe jep sinjal të dëshpërimit mbi gjendjen  e solidaritetit evropian dhe  respektimit të përbashkët. Kjo lejon që çështjet bilaterale të dominojnë në  procesin aderues dhe e shndërron këtë mekanizëm në mjet përçarës dhe jo për bashkim. Të jem i qartë. Qeveria mbetet e   përkushtuar në dialog dhe pajtim. Jemi të gatshëm për të punuar me vullnet të mirë dhe të gjejmë zgjidhje që e respekton historinë dhe njëkohësisht që ndërton të ardhme më të mirë. Por, kjo do punë të përbashkët. Progresi nuk mund të dalë nga  kërkesat e njëanshme ose ultimatumet. Kjo kërkon respektim, mirëkuptim  dhe guxim të përbashkët. Ftojmë Bullgarinë që të na bashkëngjitet në këtë hapërim, që sfidat t’i kalojmë së bashku dhe të ndërtojmë raporte.”, - deklaroi ministri i Jashtëm, Timço Mucunski. 

 

 

Raportuesi për Maqedoninë e Veriut, Tomas Vaic, kërkoi nga Mucunski sqarime lidhur me situatën aktuale, sidomos mes partive shqiptare, raportet ndëretnike dhe të drejtat e pakicave. 

 

“E drejta e pakicave është diçka që e respektojmë edhe në suaza të kornizës në BE. Edhe një pyetje lidhur me grupet e ndryshme etnike në shtet. E dimë se partitë politike shqiptare, pra,  shohim se ka një lloj turbulence në ditët  e kaluara. A janë këto tensione brenda bashkësisë etnike shqiptare që mund të shpijnë në rritjen e tensioneve etnike në shtet? Po ashtu na flisni edhe për korridorin 8 dhe 10 D, që është me rëndësi për ne në BE?!”, - theksoi raportuesi i RMV-së në BE, Tomas Vaic. 

 

 

E menjëhershme ka qenë përgjigja e Mucunskit, sidomos në pjesën e situatës së brendshme politike.

 

“Këto janë raste të izoluara dhe rrjedhin nga fakti i partisë konkrete, e cila nuk pranon se tani është në opozitë dhe bën gjithçka  që  të provokojë, dhe roli i Qeverisë nuk është politik, por të zgjidhë probleme.”, - u shpreh ministri i Jashtëm, Timço Mucunski.

 

Eurodeputetët përkujtojnë Mucunskin se hapja e klasterëve kalon nëpërmjet ndryshimeve kushtetuese.

 

“Hapi i radhës është hapja e klasterit që e quajmë, “Fundamentale”.  Për këtë Këshilli ka vënë parakushte, pra ndryshimet kushtetuese në Maqedoninë e Veriut.”, - theksoi eurodeputeti, David Mcallister.

 

Mucunski, falënderues ndaj eurodeputetëve për angazhimin e tyre për përafrimin e vendit ndaj BE-së, të cilin e quajti organ mbrojtës në aspiratat e saja për t’iu bashkangjitur familjes evropiane.