Vijon dhuna në Gjeorgji, mbi 100 policë të lënduar në protestë

 

Fitorja e diskutueshme e “Ëndrrës Gjeorgjiane” në zgjedhjet parlamentare të vendit të parë gjerësisht si një referendum mbi aspiratat e vendit për t’u bashkuar me BE, ka shkaktuar demonstrata masive dhe bojkotimin e Parlamentit nga opozita. Presidentja pro-perëndimore e vendit dhe opozita kanë akuzuar partinë qeverisëse për manipulim të votave me ndihmën e Moskës. Presidentja e Gjeorgjisë, Salome Zourabishvili, bëri të ditur se disa njerëz ishin subjekt i dhunës sistematike pas arrestimit dhe transportimit në ambientet e paraburgimit.

 

Presidenti i Këshillit Evropian, Antonio Kosta dhe shefja e Politikës së Jashtme, Kaja Kallas, dënuan sërish dhunën e përdorur. Kryeministri Irakli Kobakhidze i partisë në pushtet “Ëndrra Gjeorgjiane” ka paralajmëruar opozitën se “çdo shkelje e ligjit do të përballet me ashpërsinë e plotë të ligjit”. Tensionet janë rritur prej muajsh në vendin prej 3.7 milionë banorësh midis partisë qeverisëse dhe kundërshtarëve që e akuzojnë atë për ndjekjen e politikave gjithnjë e më autoritare, anti-perëndimore dhe pro-ruse. Kriza është thelluar që nga njoftimi se Qeveria do të ngrijë bisedimet me BE-në për katër vjet, që shtyu  me mijëra demonstrues pro-BE të demostronin kundër këtij vendimi.