Kremlini, Putin nuk pranon mision paqeruajtës në Ukrainë

Kremlini e ka hedhur poshtë pretendimin e Ukrainas se presidenti rus, Vladimir Putin, është pajtuar me vendosjen e një misioni paqeruajtës ndërkombëtar në Ukrainën lindore, ku forcat qeveritare po luftojnë kundër separatistëve pro-rusë.

 

Një komunikatë e mbrëmshme e presidencës së Ukrainës thoshte se Putini e ka pranuar mundësinë e vendosjes së një kontigjenti paqeruajtës në rajonin e Donbasit. 

 

Zëdhënësi i Kremlinit, Dmitry Peskov, iu ka thënë gazetarëve në Moskë se është “tërësisht e gabuar” të ngritet çështja e paqeruajtësve derisa të gjitha provizionet e armëpushimit të shkurtit të plotësohen.

 

Ai megjithatë ka thënë se Rusia asnjëherë nuk e ka hedhur poshtë nocionin e vendosjes së paqeruajtësve.