Transporti publik në Shkup, i pasigurt, zgjidhja e problemit pritet të ndodhë javën tjetër

 

“Gjithçka ka përfunduar, por për procedurat e mëtutjeshme mund të informoheni tek byroja për prokurime publike. Këtu ka një komision, që i udhëheq çështjet e tenderimit dhe ky komision më informon dhe ato janë duke i mbaruar procedurat e tyre në bazë të procedurave ligjore dhe unë nuk jam pjesë e këtij komisioni. Gjatë ditës së sotme apo nesër do të informohem për aspektin përfundimtar.”, - deklaroi drejtori i NTP-së, Dragi Kushovski. 

 

Ndërsa nga ana tjetër, kryeministri i vendit, Hristijan Mickoski, ka theksuar se Qeveria nuk do të qëndrojë kështu me duarkryq, por sipas tij fillimisht i është dhënë mundësi procedurave ligjore. 

 

“Ne si Qeveri nuk do të qëndrojmë ashtu duke mos e mbikëqyrur gjendjen se çka është duke ndodhur, por e kemi lënë të shohim sot apo nesër të shohim se çka po ndodh, mos vallë ka ndonjë zhvillim të ri apo ndonjëri prej operatorëve ekonomik mos po ndryshon qasjen. Por, fundi, ne si Qeveri patjetër se duhet të intervenojmë, që këtë çështje ta rregullojmë përmes ndonjë borxhi. Por, në ato situata parashtrohet pyetja, se deri kur kështu dhe unë mendoj se duhet të intervenojmë në ligjin për decentralizim, që të mund t’i marrim kompetencat dhe t’i rregullojmë disa gjëra deri në stabilizim të gjendjes.”, - theksoi kryeministri i vendit, Hristijan Mickoski.

 

Situata me Transportin Publik u përkeqësua, pasi kompania e cila furnizonte me karburant Ndërmarrjen për Transport Publik, vendosi të ndërpresë kontratën, sepse sipas tyre, borxhi është rritur dhe ndërmarrja nuk ka shlyer as borxhet e kaluara.