Veles, përfundoi stërvitja ndërkombëtare ushtarake

 

“Kur të flasim për stërvitje ushtarake, çdoherë qëllim primar është i njëjtë e ajo është bashkëpunimi inter-operabil, që është themeli në të cilën mundemi të gjithë bashkërisht si aleatë ta garantojmë sigurinë e Aleancës së NATO-s, por edhe njëkohësisht ta rrisim bashkëpunimin me miqtë tanë.”, - deklaroi ministri i Mbrojtjes, Vllado Misajllovski.

 

Ambasadorja e Kanadës, Mishel Kamerun, vendi i së cilës ishte edhe organizator i kësaj stërvitjeje ushtarake, tha se RMV-ja me këtë stërvitje ka treguar interesim për të punuar drejt përmirësimit të kushteve në armatë, e që është në përputhje me standardet e NATO-s.

 

“Ishte një stërvitje ushtarake, e cila ishte e organizuar në mënyrë të mrekullueshme, dhe me këtë RMV-ja ka treguar rolin e saj të liderit dhe ofrues i mundësive edhe për ushtritë tjera, të cilët kishin mundësi t’i tregojnë aftësitë e tyre vepruese.”, - theksoi ambasadorja e Kanadasë në vend, Mishel Kamerun.

 

Kjo stërvitje ushtarake u zhvillua në vendin tonë që nga 25 nëntori, ku përveç pjesëtarëve të ushtrisë maqedonase, morën pjesë pjesëtarë të forcave të armatosura të Kanadasë, Polonisë, Lituanisë, Ukrainës dhe Gjeorgjisë.