Aksident trafiku, tre pjesëtarë të sigurimit të Gashit, të lënduar

 

“Për fat të keq ndodhi një aksident trafiku. Menjëherë kemi shkuar në spital i kemi vizituar. Ka tre persona që janë pjesë e sigurimit tim në spital. Siç u informuam nga personeli mjekësor dhe drejtori i spitalit, gjendja e tyre është e mirë dhe stabile, por do të qëndrojnë sonte në spital për t’i mbajtur nën kontroll.”, - theksoi kryetari i Kuvendit, Afrim Gashi. 

 

Rasti, siç ka theksuar ai, është edhe një mesazh për të gjithë të përfshirë në ndërtimin e autostradës Kërçovë-Ohër që të punojnë intensivisht dhe me cilësi.

 

“Ky është edhe një mesazh për të gjithë që po punojnë në autostradën Kërçovë-Ohër, të punohet më shpejt dhe me më shumë cilësi, për shkak se të gjithë qytetarët vuajnë nga ajo, kurse askush nuk jemi imun ndaj aksidenteve, të gjithëve mund të na ndodhin.”, - deklaroi kryetari i Kuvendit, Afrim Gashi. 

 

Përndryshe, MPB-ja ka njoftuar se sot në ora 10:45 në MPB-në e Ohrit është njoftuar se në rrugën kryesore Ohër-Kërçovë, afër fshatit Novosellë, komuna e Debërcës, pasagjeri i tipit “Seat Altea”, mjeti motorik në pronësi të Ministrisë së Brendshme ka dalë nga rruga me drejtues shtetasin J.L. (37), në të cilin pasagjerët ishin I.B. dhe BM, të gjithë punonjës policie.