Ligji i gjuhëve, mblidhen liderët e VLEN: Veprojmë institucionalisht, BDI kopje e Gruevskit

 

“Nuk mundet një i korruptuar të mbrojë diçka aq të rëndësishme sa është gjuha shqipe. Nuk mundet një parti që ka individë në lista të zeza ndërkombëtare të pretendojë se mbron kauzën shqiptare. Njëra me tjetrën nuk shkon. Dhe tani me tenda duan të paraqiten si shpëtimtarë të gjuhës shqipe. Koalicioni VLEN ka muaj që punon për heqjen e grackave dhe korrigjimin e gabimeve të regjimit të BDI-së. Ne nuk mburremi por veprojmë institucionalisht.”, tha Saranda Imeri Stafai nga koalicioni VLEN.

 

 

VMRO – DPMNE gjithashtu hedh dyshime korruptive ndaj BDI-së dhe për ikje nga përgjegjësia, thonë se integristët po krijojnë cirkun politik. Ata të mërkurën nuk presin tensionim të situatës para godinës së Gjykatës Kushtetuese, dhe se gjykatësit do të mbajnë seancën sikurse deri më tani.

 

“BDI është demaskuar. Të gjithë e shohin se veprimi i tyre politik në disa muajt e fundit është vetëm në drejtim të mbrojtjes së kriminelëve politik të cilët e vodhën shtetin. Në vend se të qëndrojnë në të ftohtë, më mirë është që të reformohen si parti, pasi shumë shpejt vijnë zgjedhjet lokale dhe mos t’iu ndodh befasi më e madhe.”, tha Brane Petrushevski nga VMRO–DPMNE.

 

Nga partia e Mickoskit sigurojnë se qeveria nuk do të lejojë kurrfarë rreziku ndaj rendit dhe qetësisë. Sipas tyre institucionet së bashku me partnerët strategjik këmbejnë informacione, ndjekin situatën dhe do të veprojnë në përputhje me nevojat.