Irani vendos kontakte me liderët e opozitës siriane në pushtet

Irani ka vendosur kontakte të drejtpërdrejta me liderët e opozitës së armatosur që kanë marrë pushtetin në Siri.

 

Një zyrtar i lartë iranian tha se Irani është i hapur për dialog të drejtpërdrejtë me udhëheqjen e re të Sirisë për të parandaluar një trajektore armiqësore të marrëdhënieve midis dy vendeve.

 

Ky zhvillim vjen pasi përfaqësuesit e opozitës së armatosur në Siri, të cilët kishin marrë kontrollin e televizionit shtetëror, pretenduan se kishin vendosur kontrollin mbi vendin.

 

Kryeministri Mohammed Ghazi al-Jalali dhe disa ministra janë ende në Siri, ndërsa kreu i qeverisë deklaroi se ka vendosur kontakte me udhëheqjen e opozitës së armatosur.