Lista e zezë amerikane, Ageler: Gjyqësori të veprojë sipas dëshmive

 

“Shpresoj se me këto përcaktime të reja në listën e zezë, do të shohim lëvizje në gjyqësor, për këtë rast dhe raste të tjera. Ne s’do ndajmë këto informacione për arsye privatësie dhe as që kemi nevojë, pasiqë dëshmitë që rishikoi Uashingtoni e që ishim në gjendje ti bashkojmë sikurse këtu dhe në Uashington, ishin në dispozicion. Nëse ne mund të bëjmë bashkë këto dëshmi, këtë mund ta bëj edhe gjyqësori këtu.”, tha ambasadorja amerikane në RMV, Angela Ageler.

 

 

Bashkimi Demokratik për Integrim respekton vendimin amerikan duke mos hequr dorë nga bashkëpunimi me SHBA-të.

 

“Si parti, ne mbetemi të përkushtuar ndaj bashkëpunimit strategjik me SHBA-të dhe forcimit e vlerave demokratike dhe transparencës”, thuhet në komunikatë e BDI-së.

 

 

Zëvendës kryeministri i parë Izet Mexhiti tha se paralajmërimet e tij për ndërveprim të Grubit me Sasho Mijallkovin dhe Gruevski morën trajtë. Ai fton institucionet të procesuojnë rastin, ndërkaq anëtarësia e BDI-së të braktisë partinë.

 

“Po të kishte pasur fuqi Ali Ahmeti që t’ia ndalte hovin Artan Grubit, t’ia këpuste rrugën korrupsionit, t’ia ndalte Artanit rrugën e bashkëpunimit me Sasho Mijallkovin dhe Nikolla Gruevkin ndoshta BDI as nuk do të shkonte në opozitë. Lidhjet e Artan Grubit e me sa duket edhe lidhjet e Ali Ahmetit me Sasho Mijallkovin dje u konfirmuan nga partnerët tanë strategjik nga stejt departamenti amerikan. U bindëm publikisht se Artan Grubi ka qenë i paguar nga Sasho Mijallkovi.”, tha zëvendës kryeministri i parë Izet Mexhiti.

 

 

Edhe presidentja ftoi gjyqësorin të reagojë, ndërkaq kryeministri Hristijan Mickoski paralajmëroi zhvillime të reja sa i përket përfshirjeve korruptive.

 

“Nuk guxojmë që sikurse deri më tani të qëndrojmë të qetë, disa persona të cilët janë gjetur në listën e zezë, të vazhdojnë me aktivitete e tyre të rregullta. Prokurorët publik duhet të veprojmë për këtë rast.”, tha presidentja Gordana Siljanovska Davkova.

 

 

“Periudhën që vijon edhe shumë pohime për gjitha dyshimet që kemi pasur do të dalin në pah dhe opinioni do të jetë i njoftuar.”, tha kryeministri Hristijan Mickoski

 

Lista e zezë amerikane nuk mbyllet me Grubin dhe gjykatësin Bexheti. Ambasadorja Ageler thotë se lista do të zgjerohet me emra të tjerë, pasi qeveria  amerikane ka investuar gjysmë miliard dollarë për një gjyqësor më efikas.