Ligji për ndërtim, propozohet miratim me procedurë të shpejtë

 

“Me këtë ndryshim të këtij ligji kemi dashur të krijojmë mundësi për implementimin dhe ndërtimin e disa resurseve për prodhimin alternativ të energjisë elektrike. Praktikisht deshëm të vijmë në situatë që këtë proces ta shkurtojmë”, u shpreh deputeti Bojan Stojanovski.

 

Ndaj miratimit të ligjit me procedurë të shpejtë reagoi deputeti i Frontit Evropian, Sali Murat. 

 

“Si deputet ndjej për obligim të shpreh shqetësim serioz për përmbajtjen dhe mënyrën e miratimit të këtyre ndryshimeve. Mungesat esenciale në arsyetimin e propozim-ligjit janë të dukshme dhe shqetësuese. Mungon analiza themelore e gjendjes që duhet të rregullohet, ndërsa arsyet e miratimit të ndryshimeve ligjore janë sipërfaqësore dhe të paarsyetuara mjaftueshëm. Sidomos shqetëson mungesa e analizës së implikimeve nga ndryshimi i kompetencave, si dhe kërkesa e paarsyeshme për miratim me procedurë të përshpejtuar”, theksoi deputeti i Frontit Evropian, Sali Murat.

 

Për shkak të mungesës së 61 deputetëve në sallën kuvendore votimi nuk u realizua.