Zgjedhjet e majit në Shqipëri, ndërkombëtarët me apel për fshehtësinë e votës

 

 

“Çdo qytetar të shprehë lirisht zgjedhjen e tij pa frikë nga shtrëngimi apo hakmarrja, mbetet thelbësor për integritetin e zgjedhjeve dhe ligjshmërinë e institucioneve që dalin prej tyre. Fshehtësia e votimit, konsiderohet një nga aspektet e rëndësishme të lirisë së zgjedhësve se siguron mbrojtjen e tyre nga presionet që mund të përballen nëse të tjerët mësojnë si kanë votuar. Presioni i dekurajon zgjedhësit të ushtrojnë të drejtën e tyre për të votuar lirisht dhe pa frikë”, u shpreh Ambasadori i OSBE-së, Michel Tarran.

 

Edhe Komisioni Qendror i Zgjedhjeve përsëriti të njëjtat mesazhe në një sallë ku partitë, sërish mungonin.

 

“Partitë janë të ndara në këtë aspekt, ndaj është e vështirë të kuptohet realisht sa është ky problem, por për sa kohë kemi pranuar arbitër në monitorim, do të duhet të pranojmë gjetjet e tyre se kemi një problem në këtë aspekt”, theksoi komisioneri Shtetëror i Zgjedhjeve Ilirjan Celibashi.

 

 Raporti i fundit i ODIHR, për zgjedhjet e vitit 2023 tha se në Shqipëri procesi ndikohen negativisht nga problemet teknike dhe procedurale për votimet në grup, tensionet, presionet ndaj zgjedhësve brenda dhe jashtë qendrës së votimit.