Kuvendi i BNJVL-së diskutoi mangësitë e ligjit për pushtet lokal

 

“Ne jemi të vetëdijshëm se më këtë fuqia e Kryetarëve të Komunave kthehet prap në duart e qytetarëve, dhe ashtu duhet të jetë. Tani kemi raste ku Komuna e caktuar nuk është funksionale, dhe kemi akoma ato kryetar, ndërsa me këto ndryshime, secili Kryetar duhet ta ketë të qartë se ashtu siç e ka marrë pushtetin, atë mund ta humbë çdo ditë të mandatit të tij. Gjendja tani ishte alarmante në Qytetin e Shkupit, dhe pikërisht nga ky mos funksionim, doli edhe ideja, që ti merret mandati edhe para mbarimit.”, tha kryetari i BNJVL-së, Orce Gjorgjievski.

 

 

Gjorgjievski poashtu u shpreh se tashmë e ka përgatitur projektligjin për policinë komunale dhe në periudhën e ardhshme do të bisedojë me ministrin e punëve të brendshme, Pançe Toshkovski, për ti hekurosur edhe ato pak dallime që i kanë. 

 

“Sa i përket policisë Komunale, tanimë kemi të hartuar një propozim ligj. Besoj se në një të ardhme të afërt do të miratohet një zgjidhje e tillë ligjore. Kemi iniciuar ndryshimin e gjobave për sa i përket deponime, të cilat aktualisht variojnë nga 50 deri në 200 euro. Kërkojmë që gjoba minimale për krijuesit e deponive ilegale të jetë nga 4000 deri në 6000 euro dhe të ketë mundësi që shërbimet nëpër komuna ta konfiskojnë automjetin, i cili më pas do t'i dorëzohet Ministrisë së Punëve të Brendshme.”, tha Gjorgjievski. 

 

Në Kuvend poashtu u diskutua edhe për zhvillimin e metodologjive të reja për shpërndarjen e mjeteve nga bllok donacionet, zgjidhjen e sfidave me financimin e njësive të mbrojtjes nga zjarri, zbatimi i menjëhershëm i formulës së re të propozuar për ndarjen e mjeteve për arsimin fillor, si dhe për thellimin e decentralizimit në fushën e mbrojtjes sociale.