ASH e Ziadins Selës, himni shtetëror nuk pasqyron multietnicitetin

 

Propizimi për të imponuar himnin maqedonas në shkolla të mesme është një hakmarje e Qeverisë ndaj dështimit për të shfuqizuar gjuhën shqipe nga Gjykata Kushtetuese, kjo falë rrezistencës tonë të përbashkët me qytetarët, vlerësojnë nga partia e Selës.

 

Sipas kësaj partie Këto masa janë vetëm vazhdimësi e politikave të Qeverisë monoetnike për të ngulfatur identitetin shqiptar dhe për të imponuar një nacionalizëm agresiv maqedonas.

 

Aleanca për Shqiptarët e ka thënë vazhdimisht se himni shtetëror nuk pasqyron realitetin multietnik dhe kohezionin mes bashkësive etnike në vend, por është një himn më shumë etnik maqedonas sesa shtetëror.

 

Ky propozim i Qeverisë nuk do të arrijë as afrimin mes bashkësive as lojalitetin ndaj shtetit, por përkundrazi do të thellojë edhe më shumë hendekun mes bashkësive etnike në vend, theksojnë nga Ash e Ziadin Selës.