Fillon fushata "Shporta e Vitit të Ri", të paktën 10% zbritje në mbi 800 produkte

 

 

 

"Inspektorati Shtetëror i Tregut do të kryejë kontrolle nëpër markete për të siguruar respektimin e marrëveshjes së arritur midis Qeverisë dhe tregtarëve. Aktualisht janë të përfshira mbi 80 kompani dhe pritet që të bashkanjiten edhe kompani dhe markete të tjera, duke e zgjeruar listën e shportës konsumatore për festat e Vitit të Ri me mbi 1000 produkte."-thonë nga Qveria.             

 

 

Inspektorati Shtetëror i Tregut, kontrollon çmimet për të parandaluar parregullsitë.Monitorimi përfshin një krahasim me çmimet më të ulëta të 30 ditëve të fundit dhe sipas inspektoratit ,tregtarët po respektojnë masën.

“Sot edhe pse e dielë ,ka market të cilat punojnë.Inspektorët janë në teren .Sipas informatave të para të cilat i kam për momentin është se po respektohen rregullat që vet i vendosën tregtarët.Kam mendim pozitiv në fillimin e kësaj fushate”, u shpreh drejtori i Inspektoratit të tregut Vllatko Stojkoski.

 

 

Fushatën e Qeverisë për produkte ushqimore me çmime më të ulta nga LSDM e quajnë masë joefikase dhe në dëm të qytetarëve.Sipas tyre fillimisht pushteti lejoji që tregtarët ti rrisin çmimet dhe të përitojnë nga kjo masë,ndërsa qytetarët ngelën të mashtruar.

 

“Në vend të masave reale për një jetë më të mirë të qytetarëve, Mickoski lejoi që tregtarët të pasurohen në kurrizin e qytetarëve. Nga shporta e vjeshtës e shpallur me pompozitet, në muajin nëntor kemi pasur vetëm një rritje prej 4.3% të inflacionit. Një familje prej katër anëtarësh i nevojiten 62.021 denarë për të kaluar muajin. Jo vetëm që çmimet e produkteve ushqimore po rriten, por edhe faturat e energjisë elektrike janë rritur me një të tretën në krahasim me vitin e kaluar. A ka ndonjë formulë në matematikën e Mickoskit që me një pagë minimale prej 22.567 denarë, edhe nëse e marrin dy anëtarë të familjes, mund të mbijetojnë në muaj?”, theksoi Kristina Kostova nga LSDM.

 

Ndërkohë,nga VMRO-DPMNE theksojnë se LSDM-ja, deri para gjashtë muajve sa ishte në pushtet, rriti TVSH-në për produktet ushqimore dhe se gjendja e keqe ekonomike dhe standardi i ulët i qytetarëve është pikërisht pasojë e qeverisjes shtatëvjeçare të tyre.Inflacioni gjatë qeverisjes së LSDM-së ishte dyshifror dhe ata shkatërruan ekonominë në kurriz të kompanive afëra që fituan miliona.

 

Për herë të parë, shporta e Vitit të Ri përfshin rreth 1000 produkte, të cilat do të ofrojnë çmime më të ulëta për produktet ushqimore. Me masat efikase ekonomike të marra nga qeveria realisht ulen çmimet e produkteve bazë ushqimore dhe bashkë me rritjen e pagave dhe pensioneve mbrohet drejtpërdrejt standardi i qytetarëve,vlerësojnë nga partia në pushtet VMRO-DPMNE.