Lufta Izrael – Hamas, ndërmjetësuesit shtojnë përpjekjet për armëpushim

 

Në Kajro të Egjiptit u tha se  një marrëveshje mund të nënshkruhet gjatë ditëve të ardhshme për një armëpushim dhe për lirimin e pengjeve të mbajtura në Gazë, në këmbim me të burgosur palestinezë që mbahen nga Izraeli. Administrata amerikane dhe ndërmjetësues nga Egjipti dhe Katari kanë bërë përpjekje intensive ditëve të fundit, për të arritur përparim në bisedime, para se presidenti i ShBA-së, Xho Bajden, të largohet nga pushteti muajin e ardhshëm. Negociatorët izraelitë shkuan në Doha të martën, në përpjekje për të ngushtuar dallimet ndërmjet Izraelit dhe Hamasit rreth një marrëveshjeje që Bajdeni e ka paraqitur në maj.

 

Bisedime janë mbajtur vazhdimisht gjatë vitit, por të gjitha kanë dështuar, teksa Izraeli ka ngulmuar që të mbajë një prani ushtarake në Gazë, ndërsa Hamasi ka refuzuar t’i lirojë pengjet, derisa trupat izraelite të tërhiqen. Lufta në Gazë, e nxitur nga një sulm i udhëhequr nga Hamasi ndaj komuniteteve në Izraelin jugor, i cili vrau rreth 1.200 persona dhe në kuadër të të cilëve u rrëmbyen mbi 250 njerëz, ka tronditur Lindjen e Mesme dhe e ka lënë Izraelin të izoluar në skenën ndërkombëtare. Fushata ushtarake e Izraelit në Gazë ka vrarë më shumë se 45.000 palestinezë, ka zhvendosur shumicën e popullsisë prej 2.3 milionë banorësh dhe ka shndërruar në rrënoja pjesën më të madhe të enklavës.