VLEN, akuza Qeverisë së kaluar për projektet kapitale

 

 

“Kjo dëshmon dhe vulos se pushteti i kaluar kanë qenë hajdutë të pangopur kanë vjedhur pa masë. Ky rast i freskët i korrupsionit na jep përgjigjen më të kompletuar mbi pyetjet tona e të gjithë qytetarëve se pse projektet kapitale që i fillonte BDI-ja nuk kishin fund. E natyrshme është të parashtrojmë pyetje akoma edhe pse tashmë përgjigjen e kemi të gatshme, por përse spitali i Kërçovës nuk u ndërtua me vite, 12 kilometrat Shkup – Bllacë zgjatën me dekada akoma nuk janë përfunduar, autostrada Kërçovë – Ohër, shkolla fillore në Çashkë, shkolla e mesme në Kumanovë, ujësjellësi në Likovë, kanalizimi në Zajaz, e qindra projekte të tjera që kishin ngecur pa përfunduar. Sepse, me gjasë në të gjitha këto projekte janë tentuar të gjinden rrugë që së pari të vjedhin e pastaj nëse ngel buxhet të punojnë. Hajnat që kanë vjedhur tani janë mes rrugës që e krijojnë vet arratinë apo rrugës së vetme që i ka ngelur brenda vendit që të përfundojnë aty ku e kanë vendin, në qeli. Hajnat prapa grilave, qytetarët do të jenë triumfues e para hajnave.”, - deklaroi Lulzime Qazimi Ameti nga VLEN.

 

Ditë më parë Prokuroria Për Ndjekjen e Krimit të Organizuar dhe Korrupsionit ka dorëzuar aktakuzë kundër një personi dhe propozim akuzë kundër një personi juridik dhe tre personave fizik në lidhje me ndërtimin e Teatrit dhe Bibliotekës së Tetovës.

 

Sipas tyre, të akuzuarit i kanë manipuluar dokumentet dhe rregullat e procedurës për ndarjen e marrëveshjes për furnizime publike dhe e kanë keqpërdorur detyrën zyrtare, me çka, kanë përfituar rreth 13.5 milionë euro.