Intonimi i himnit maqedonas në shkolla, Aliu: Deputetët do të parashtrojnë amendamente

 

 

“Mendoj se fillimisht duhet që të kalojë në leximin e dytë dhe atje i keni përgjigjet edhe nga deputetët që do të ketë amendamente për të ndryshuar dhe për të plotësuar dhe pastaj po të kalojë ligji, jemi të detyruar për ta respektuar.”, - deklaroi zëvendësministri i Arsimit, Lulzim Aliu.

 

Para disa ditësh, propozim-ligji në fjalë ka kaluar në Komisionin Parlamentar për arsim me shumicë votash. Megjithëse propozimi mban firmën edhe të zëvendësministrit të Arsimit, Lulzim Aliu, në seancën e komisionit nuk morën pjesë asnjë përfaqësues të koalicionit VLEN.

 

Nga Fronti Evropian paralajmërojnë se do të bllokojnë miratimin e këtij ligji, duke dorëzuar rreth 10 mijë amendamente, pasi të njëjtin e quajnë skandaloz.