Shporta minimale sindikale është rritur për 840 denarë

 

“Vlen të përmendet se nga shtatori, kur u fut masa e parë nga Qeveria për kufizimin e marzhave dhe me masën e fundit, pra aksion për uljen e çmimeve me të paktën 10 për qind, po japin rezultate, pjesa e ushqimit dhe pijet në shportën minimale sindikale, e cila për muajin dhjetor është 23.075 denarë në krahasim me shtatorin 2024 (23.034 denarë) është rritur për 41 denarë, që konfirmon se nevojiten më shpesh masa duke pasur parasysh se tregtarët po keqpërdorin çdo mundësi për t’u pasuruar në kurrizin e qytetarëve dhe punëtorëve.”, thuhet në kumtesë.

 

 

Shqetëson ajo që tregtarët përsëri e shfrytëzuan periudhën para hyrjes në fuqi të aksionit të fundit dhe, siç bëhet e ditur, në mënyrë evidente i rritën çmimet.

 

“Lidhja e Sindikatave të Maqedonisë kërkon që masat të zgjasin më gjatë, që Qeveria dukshëm të kontribuojë në ruajtjen e standardit jetësor të qytetarëve, ndërsa masa e ardhshme të jetë pa u informuar tregtarët dhe biznesmenët që të bëjnë mos bëjnë përsëri në kurriz të qytetarëve dhe punëtorëve.”, qëndron në kumtesën e LSDM-së. 

 

Kanë reaguar nga LSDM. Sipas tyre, masat e Qeverisë për shportën e Vitit të Ri ishin mashtrim.

 

“Rritja e kostos së jetesës është kthyer në një barrë serioze për familjet në Maqedoni. Në vend që të ulen çmimet tashmë janë rritur. Kjo situatë është pasojë e drejtpërdrejtë e paaftësisë dhe manipulimeve të pushtetit të udhëhequr nga Mickoski me të ashtuquajturat shporta që nuk kanë efekt.”, thuhet në reagimin e LSDM-së.