OEMVP, me vërejtje dhe hapa pozitive për këtë vit

 

“Mosrealizimi në kohë i autostradës Shkup-Bllacë është një problem i veçantë, të cilën e kemi kërkuar. Viti 2024 karakterizohet po ashtu sikur vitet e kaluara me kapacitete të dobëta të institucioneve për të realizuar projektet kapitale, joefikasitet i administratës për dhënien e lejeve për ndërtim dhe sjelljen e planeve të detajuara urbanistike. Moskthimi i TVSh-së për të cilat disa kompani po ankohen, sigurisht që këtu ka ndikim edhe ndërrimi i strukturave qeveritare, por ka TVSh të pakthyer nga Qeveria e kaluar dhe për fat të keq nuk është kthyer.”, - deklaroi kryetari i OEMVP-së, Mendy Qyra.

 

Si hapa pozitiv për këtë vit nga Oda e vlerësojnë kredinë hungareze për kompanitë dhe komunat, si dhe fillimin e punimeve në korridorin 8 dhe 10D. Për vitin e ardhshëm ata kërkojnë rritjen e pagës minimale, rritje të buxhetit për investimet kapitale dhe alokim të investimeve në mënyrë të barabartë në të gjitha zonat zhvillimore teknologjike.

 

“Ulja e kontributeve të pagave nga 47.7% në 32% të pagës minimale për të rritur pagën minimale në 500 euro të cilët një kohë të gjatë e kërkojmë të rritet dhe besoj që vitin 2025 të gjejmë një gjuhë të përbashkët me Qeverinë. Revidimi dhe funksionalizimi i sistemit të ri për import të fuqisë punëtore nga jashtë ku Agjencia për Siguri Nacionale të japë mendim për të njëjtit. Rikualifikim të punonjësve në Administratën Publike, krijimi dhe implementimi i strategjisë për shkarkimin e së njëjtës duke i realokuar punonjësit në sektorin privat.”, - theksoi kryetari i OEMVP-së, Mendy Qyra. 

 

Nga OEMVP-ja vlerësojnë se si biznese solidarizohen me qytetarët duke krijuar shportën e vitit të ri në mënyrë vullnetare për të ndihmuar standardin e tyre, ndërsa kanë dalë kundër idesë për ngrirje të çmimeve nga ana e autoriteteve.