Rrëzimi i aeroplanit në Kazakistan, të mbijetuarit u kthyen në Azerbajxhan

Autoritetet azerbajxhanase kanë nisur një hetim për ta zbuluar shkakun e aksidentit. Zyrtarët thanë se regjistruesi i kabinës së avionit është gjetur dhe bënë thirrje për kujdes në lidhje hedhjen e fajësisë para se faktet të përcaktohen. Ajhan Solomon, konsulli i lartë i Azerbajxhanit në Aqtau, u tha gazetarëve se Nga këta, 10 deri në 12 janë në gjendje të mirë, ndërsa të tjerët mbeten në gjendje kritike, por të qëndrueshme”, shtoi ai.

 

Këshilli mbikëqyrës i “Azerbaijan Airlines” njoftoi më 26 dhjetor se familjet e atyre që humbën jetën do të kompensohen me nga 23.460 dollarë, ndërsa të lënduarit me nga 11.730 dollarë.

 

Duke komentuar mbi raportet e pakonfirmuara se avioni mund të jetë rrëzuar nga një raketë, kryetari i Senatit të Kazakistanit, Maulen Ashimbaev, tha se është “e pamundur” të thuhet se çfarë mund ta ketë dëmtuar avionin derisa hetimi të përfundojë.

 

Zëdhënësi i Kremlinit, Dmitry Peskov, bëri u shpreh ngjashëm, duke thënë: “Duhet të presim përfundimin e hetimit”. Peskov shtoi se është “gabim” të spekulohet para se hetuesit t’i nxirrnin përfundimet e tyre.

 

Edhe zyra e Prokurorit të Përgjithshëm të Azerbajxhanit deklaroi se “po hetohen të gjithë skenarët e mundshëm”.