Përfaqësimi etnik në institucionet shtetërore, Minçev: Po punohet, angazhohemi për ligj cilësor

 

“Këtë duhet ta bëjnë ekspertët nga fusha e Kushtetutës dhe ai grup pune ekziston në Qeveri dhe punojnë aktivisht për këtë vendim. Nuk është me rëndësi se kur do të jetë gati ai vendim, por duhet të jetë përmbajtësor, cilësor dhe para së gjithash afatgjatë. Faza e dytë, respektivisht implementimi është shumë më me rëndësi se korniza kohore se kur do të miratohet. Kur të ketë draft-propzim ligjor të tillë, ai duhet të dorëzohet në Komisionin e Venedikut, të marrim vendim pozitiv dhe më pas ta fillojmë procesin për miratimin e atij vendimi.”, - deklaroi ministri i Administratës Publike, Goran Minçev.

 

 

Ministri Minçev shpalosi edhe një pako prej katër ligjesh që çojnë në realizimin e reformave komfor standardeve të Bashkimit Evropian. Ligjet lidhen me punësimin  në administratë publike, për nëpunësit administrativ, ligjin për zhvillim profesional  dhe trajnim për nëpunësit administrativ, si dhe me inspektimin mbikëqyrës. Minçevi numëron përfitimet e pakos që do t’ia propozojë Qeverisë në afat të shkurtër.

 

“Departizimi i  administratës publike, i vëmë fund praktikave të ndikimit politik mbi punën dhe funksionimin e institucioneve. Punësimi do të bazohet gjithashtu mbi meritat, kompetencat, profesionalizmin, që do të thotë, fund i klientelizmit dhe interesave partiake. E dyta, procedura objektive dhe transparente gjatë punësimit.”, - theksoi ministri i Administratës Publike, Goran Minçev.

 

Me këto ligje, ministri i resorit konsiston në uljen e pozitave funksionare, buxhet më racional, punësimin e kandidatëve me konkurrencë lojale, avancimin e nëpunësve, si dhe rritjen e shërbimeve ndaj qytetarëve. Të gjitha këto reforma vijnë si kërkesë e rrugës eurointegruese, si dhe nga insistimi qeveritar për administratë publike më efikase, përfundon ministri, Minçev.