Izrael, hebrenjtë etiopianë përleshen me policinë

Tubimi nisi si paqësor, por situata eskaloi shpejt. Mijëra persona marshuan qetësisht deri në çastet kur një grup i vogël njerëzish u shkëput prej turmës dhe tentoi të sulmonte ndërtesën e bashkisë së qytetit.

 

Forcat e rendit ndërhynë duke lëshuar gaz lotsjellës, ndërsa protestuesit e egërsuar hodhën drejt tyre shishe qelqi e copa tullash.

 

Tensionet u rriten pas publikimit të një videoje javën e kaluar, ku dy policë godisnin egërsisht një ushtar izraelito-etiopian. Efektivët janë pezulluar nga detyra dhe incidenti po hetohet prej autoriteteve përkatëse. 

 

Hebrenjtë etiopianë, që jetojnë në Izrael, janë ankuar prej kohësh për diskriminim.

 

Të ardhurat e tyre janë shumë më të ulëta se ato të pjesës tjetër të popullatës, mundësitë e arsimimit i kanë më të kufizuara, ndërsa gjasat për të përfunduar në burg për pjesëtarët e këtij komuniteti janë më të mëdha.